ما هو مخدر الآيس الشبو

 ما هو مخدر الآيس  الشبو

 مخدر الآيس

مخدر الكريستال

مخدر الميث

مخدر الشبو

 

ما هو مخدر الآيس  الشبو

الشيطان_القاتل

دا لا  بنقول لا كوكايين لا ترامادول لا كحول. لالالالا، دا حاجة تانية خالص دا آتى من حيث انتهى الآخرون، يعني شنو؟ يعني لو دخل الجسم بنتهي منك سريع..

 لما فجآة نسمع بشباب زي الورد ماتو فجآة و م بكون في سبب واضح و معروف فديل اغلبهم مدمنين الآيس🚭

من آخطر انواع المخدرات و انتشر بصورة كبيرة جدا وسط الشباب  يعني حاجة مخيفة شديد و مرعبة و محتاجة وقفة كبيرة مننا

كيف بتم آخذ الآيس؟

اخذه حبوب

اخذه بودرة

شربه تدخين

حقن.. الحقن بتاعة الانسولين عشان الناس تكون منتبهة و طبعا البياخدو بالحقن بكونو في احتمال انو يصابون بڤايروس ال HIV و الڤيروسات الكبدية الوبائية

يا جماعة السم  دا بشتغل سريع شديد في الجسم لانو بيعمل على تحفيز الجهاز العصبي يعني ممكن من اول مرة الزول يدمن عليهو بيخلي الواحد كدة مبسوط و طاير في السماء و تلقائيا هو بيضحك في اقل حاجة بكون في حالة يقظة و صحيان ممكن الواحد يومين تلاتة عينو ما تغمض

 

 و بيكون في حالة نشاط عالي و مافي تعب، بيكون في فقدان تام للشهية و بيظهر سريع في صحته، تآكل و تحلل في الاسنان.. من اول جرعة الجسم بيكون محتاج لجرعات تانية.. و على فكرة بياخد بنات و آولاد و اكتر الموزعين ليه هي  البنااااات

الآثار النفسية هي للمخدرات المذكوره 

*اكتئاب و قلق

 

 أعراض ذهانية و هلاوس سمعية و بصرية (بارانويا) 

 

 نوبات صرع

 

ضعف في الذاكرة

 

 سلوك عدواني و عنيف(يعني ممكن يضرب امو وابوهو عادي).

الآيس حسب وجهة نظري انا ما عندو اي علاقة بالمقولات دي عشان نبني على اساسها انو الواحد ممكن ما يقرب ليه هو و لا

 

 دي اسرة محافظة

 

دي اسرة متدينة

 

ابوه امام جامع

 

دي اسرة معروفة و ناس كويسين

 

دي اسرة مفككة و سمعتهم بطالة

 

دي اسرة وضعهم الاقتصادي متدني

 

ووووو.. الخ

يا جماعة اسمو الشيطان_القاتل يعني الشيطان دا في اي حتة موجود وفي اي زمن يعني لما يدخل مااااا بطلع بالساهل بخرب و صراحة دا بقتل عديل

 

منتشر في اي مكان في اي حي و في الجامعات و وسط طلبة الثانوي (ركزو كتييير في مرحلة الثانوي دي) و في القهاوي.

 

 قبل فترة اتصلت ام طالب على صحبتي بتسال من مركز إدمان بالمجان عشان ولدها اللي في الثانوية مدمن آيس، صحبتي رجعت ليها بعد كم يوم للاسف الولد مات

 

 برضوا في طالب جامعي للاسف مات امو وابوه  و اخوه بسبب انو مدمن آيس و دا نقطة في بحر.. علاجو صعب جدا و ما ينفع الا في مصحة لعلاج الإدمان.