كلمات ترنيمة قولت عليك ان انت ناسيني
قلت عليك ان انت ناسيني ولا بتدافع ولا تحميني
ولا بيهمك ايه يفرحني ولا بيهمك ايه يبكيني
لقيتك راسم صوره لخطه ماهيش محصورة
في ضعفي وجهلي وفكري البشري وقدراتي المحدوده
ولقيتك اب في وقت الحاجه تجري تمد الايد
ونبص بنظرتنا المحدوده وانت تشوف لبعيد
قلت الناس مساكين وغلابه وانت بعيد والدنيا دي غابه
والايمان والصوره الحلوه لرعايتك شعارات كدابه
لقيت قلبك مليان احساس وبتتالم لا لالم الناس
وعايش في همومنا ومشاكلنا وفي قلب الاحداث
ولقيتك لما الجوع بيشد تبعت خبزي مع الطير
اتذمر وانت تكون بتعد وترتب ليا الخير
قلت عليك مبتسمعنيش انده يا ما عليك متجيش
قلت ان انت خلقت الناس وسايبنا نعيش زي ما بنعيش
لقيت في الشك غباء وسزاجه ساعات احلامنة تكون محتاجه
الشكر مع الايمان والصبر ودموع الصلاه بلجاجة
ولقيت الصلاه والصبر معاك مجهود مش بيضيع
واللي يجيلك عشمان يلقاك رب بصير وسميع
قلت ان انت بعيد في سماك وعيني ماهياش شايفاك
واعمل ايه علشان اوصلك اعمل ايه علشان القاك
لقيتك جيت في صورة انسان وعشت في نفس ظروفي كمان
واتقال عنك رجل الاحزان مختبر الاحزان
سامحني في دم صليب اسف اسات لفهمي في يوم
وفي ثوره غضبي وقلبي الخايف وجهتلك لوم
تعليقات
إرسال تعليق
برجاء المشاركه والرد لتبادل الافكار والتشجيع