مشبعتش كلام عنك وعمري ماهوصفك في كلام
ياصاحب كل يوم حلو في حياتي كل خير وسلام
يانوري فى كل يوم ضلمة صديق الراحة والأزمات
حبيب قلبي اللي غانيني عن الحب أللي أي كلام
بقيت مش بعرف أتخيل حياتي لو إنت مش فيها
وبحب تفاصيل الحياة بينك وبيني يا يسوع
مواقف ياما من غيرك لا يمكن كنت أعديها
ومن غيرك أكيد كان صعب أقوم من بعد أي وقوع
بقيت لازم تكون موجود في خططي وكل أحلامي
بقيت الضحكة والراحة وسلام روحي إللي بفرح بيه
وفارق فرق مش عادي في طبعي وشكلى وكلامي
شكرا ليك عشان قابل بقلبي وراضي تسكن فيه
بشوف بصماتك الحلوة فى أقل وأكبر المواضيع
وحبك وإنت بترجعلي حلم حلمتة كان هيضيع
باشوف إيدك بتدخل وبتغير عشاني ظروف
ولما أيأس يكون عندك ألف طريقة للتشجيع
تعليقات
إرسال تعليق
برجاء المشاركه والرد لتبادل الافكار والتشجيع