قصيدة محبة المال .

قصيدة محبة المال

( عنوان القصيده الجديده محبه المال )

كان بيهمه وشاغل باله انه يكون صاحب اموال

فاكر ان الدنيا بتعته وان سعادته في جمع المال

يمسك قرش يكبش فيه ويقول اكن عندي عيال
لما القرش هييجي علي القرش بكره هكون مرتاح البال
كرز  نفسه واغراض فكره وكل اهدافه لجمع المال
جاله ابنه مره وقال له يابويه انا عندي سوأل
انت بتنسي ميعاد العيد والا انا يابا مش علي البال
قاله يابني ناقصك أيه من 6 اشهر أنا مديلك نصف ريال
امسك ايدك يا ابني شويه ولا عشان ميصور الحال ؟
ليه دائمأ بسوال تحرجني هو مفيش في الدنيا ياابني نصف سوأل
يذعل لما تقوله هذورك يفرح لما تفوله تعال
وشايل في الخذنه الي حداه تعريفه فضه وقرش مصدي ومعاهم فرده خلخال
حتي الواد الي ماحلتوش غيره عيال شغله وري سواق عتال
يبعته قبل الشمس ماتطلع ويقوله اسعي ياواد ده السعي حلال
لاجل ماتتعلملك صنعه تكسب من وراها المال
حرمه من فرصه تعليمه علشان بس يجبله المال
ويقوله عندي نصيحه يواد وبقولك قرشك الابيض في اليوم الاسود بتكيد به كل العذال
وفي يوم ناذل الواد بدري وحاسس ان طفولته اتسرقت وشاعر ان اماله اتحرقت وان ابوه اكبر محتال
ماشي سرحان ومعدي الشارع يشتري حاجه من البقال
خبطه الباص علي الارض كفاه فجئ الواد اتحول جثه طلبوله الاسعاف في الحال
واخر جمله الواد بيقولها قولوا لابويا فينها نصيحتك هل دلوقتي نفعي المال ؟
وطلعت روح الواد في الحال
وصل الخبر لابوه وجاله وجاله سبحانه مغير الاحوال
شاف ابنه في المشرحه ميت اكتوي قلبه ولعن المال
ورمي نفسه من الدور الرابع وأنتهي هو كمان في الحال وادي نهايه جمع المال ادي نهايه حب المال

 للشاعر سليمان ابونور

كنيسه اللمسة الشافية